Балауса Мүздіман Филиппиндік қарсыласын жеңіп, кәсіби мансабындағы жетінші жеңісіне қол жеткізді

Қазақстандық боксшы Балауса Мүздіман (6-0, 5 КО) кәсіби рингтегі жетінші жекпе-жегінде жеңіске жетті. Ол 8 раундқа созылған айқаста Филиппин өкілі Мария Тереза Пинилиді (7-1, 2 КО) төрешілердің бірауыздан қабылдаған шешімімен жеңді.

Бұл жекпе-жекте Балаусаға қарсыласын нокаутқа түсіру мүмкін болмаса да, ол басымдықты толық өз қолына алып, сенімді түрде жеңісті қоржынға салды. Осылайша, отандасымыздың рекорды 7 жеңіске (5 нокаут) дейін жетті және ол жеңіліп көрмеген боксшылар қатарында қалды.