Бақтияр Зайнутдинов «Сивасспорға» қарсы матчқа қатыспайды

Қазақстандық жартылай қорғаушы Бақтияр Зайнутдинов Түркия Суперлигасының келесі турында «Бешикташқа» көмектесе алмайды. Футболшының есімі «Сивасспормен» болатын матчқа арналған өтінім тізімінде жоқ.

Стамбұл клубы Сивасқа аттанатын 20 ойыншының тізімін жариялады, алайда жарақатына байланысты Зайнутдинов бұл кездесуді жіберіп алады.

Ағымдағы 2024/25 маусымында қазақстандық футболшы «Бешикташ» сапында 12 матч өткізіп, бір нәтижелі пас берген.

«Сивасспор» – «Бешикташ» матчы ертең Сиваста өтеді. Кездесу Астана уақытымен 21:00-де басталады. Турнирлік кестеде командалар әртүрлі жағдайды бастан кешіруде: «Бешикташ» 32 ұпаймен 7-орында болса, «Сивасспор» 23 ұпаймен 15-сатыда тұр.