Бағдаттың алаңнан қуылуынан кейін Қайрат Қайсармен жеңісін жіберіп алды

Қазақстан Премьер-Лигасының 17-ші тур матчында алматылық «Қайрат» өз алаңында қызылордалық «Қайсармен» тең түсті — кездесу есебі 1:1.

Командалардың бастапқы құрамдары келесідей болды:

• «Қайрат»: Анарбеков, Ташпулатов, Широбоков, Сорокин, Станоев, Садыбеков, Байбек, Зария, Громыко, Бағдат, Рикардиньо
• «Қайсар»: Салайдин, Кенесбек, Мурзагалиев, Толегенов, Калмуратов, Абикен, Нарзилдаев, Калдыбеков, Губарев, Агзамбаев, Жақсылықов

Рамазан Бағдат 21-ші минутта үй иелерін алға шығарды — алматылықтар матчтың алғашқы минуттарынан бастап басымдылық танытты. Алайда екінші таймның басында Бағдат өз айып алаңында қарсыласының бетіне қолмен ұрғаны үшін алаңнан қуылды. Марлен Айманов белгіленген пенальтиді орындап, матчтың соңғы есебін белгіледі.

Осы тең түсуден кейін «Қайрат» 37 ұпаймен көш бастап тұрған «Астанадан» үш ұпайға артта қалып отыр, ал «Қайсар» 14 ұпаймен турнир кестесінің оныншы жолында орналасқан.