БАӘ президенті Хамзат Чимаевты UFC чемпиондық атағымен құттықтады

Хамзат Чимаев Біріккен Араб Әмірліктерінің президенті Мұхаммед ибн Заид Әл Наһаянмен кездесті, деп хабарлайды Aletihad English.

UFC-тің орта салмақтағы чемпионы БАӘ астанасындағы бас нысан — Қаср әл-Ватан президент сарайына барды. Мемлекет басшысы спортшыны чемпиондық белбеуді жеңіп алуымен жеке құттықтады.

Еске сала кетейік, бір ай бұрын Чимаев мансабындағы маңызды жеңіске қол жеткізді — ол UFC 319 турнирінің басты жекпе-жегінде Дрикус дю Плессиді төрешілердің бірауызды шешімімен жеңді.