Әзірбайжан боксшысы қазақстандықтан жеңілгеннен кейін төрешілікке наразы

Azerisport.com хабарлауынша, «Странджа» халықаралық турнирінің қола жүлдегері Наби Искендеров 67 кг салмақ дәрежесінде Софиядағы өнері туралы пікір білдірді.

«Бұл турнир әлем чемпионатына дейінгі дайындықты тексеру үшін маңызды болды. Біз жаттығулар мен оқу-жаттығу жиындарының нәтижелерін бағаладық. Менің мақсатым – алтын медаль еді, солай болуы керек болатын. Бірақ жартылай финалда төрешілердің өте даулы шешімімен бетпе-бет келдім», – деді спортшы.

Әзірбайжан боксшысы әлем чемпионатын басты мақсат ретінде қарастыратынын атап өтті. Бұл жарыс мамыр айының соңында өтеді. Оған дейін ол Бакуде ұйымдастырылатын «Ұлы Жібек жолы» турниріне қатысады.

Жартылай финалда Искендеров қазақстандық боксшы Торехан Сабырханнан төрешілердің бөлінген шешімімен жеңілді – 3:2.