Әйелдер спортынан түсетін табыс рекордтық деңгейге жетеді

«Deloitte» қаржы компаниясының мәліметінше, биыл элиталық әйелдер спортынан түсетін табыс алғаш рет £1.8 млрд-тан асады.

Табыс құрылымында:
— баскетбол – 44% (ең жоғары көрсеткіш),
— футбол – 35%,
— коммерциялық түсімдер (демеушілік, серіктестік, атрибутика) – 54%,
— трансляциялар – 25%,
— билет сатылымы – 21% үлеске ие.

«Deloitte Sports Business Group» сарапшысы Дженнифер Хаскел әйелдер спортының коммерциялық тартымдылығы бұрын-соңды мұндай жоғары болмағанын атап өтті. Оның айтуынша, шектеулі ресурстарға қарамастан, жарыстар мен лигалар айтарлықтай табыс әкелуде.

Бұл өсімге «Әйелдер регби бойынша әлем кубогы» және «Әйелдер Евро-2025» сияқты ірі турнирлердің әсері зор. Сарапшылар жанкүйерлердің қызығушылығын жарыстардан кейін де сақтау маңызды екенін айтады.