«Атлетико» Чемпиондар Лигасында «ПСЖ-ны» жеңді

Championat.com хабарлауынша, УЕФА Чемпиондар Лигасының топтық кезеңінің 4-туры аясында «Пари Сен-Жермен» мен мадридтік «Атлетико» арасында қызықты кездесу өтті. Испандық клуб қонақ алаңда 2:1 есебімен жеңіске жетті.

Париждегі әйгілі Park de Prince стадионында өткен матч алаң иелерінің жылдам голымен басталды. 14-минутта жартылай қорғаушы Уоррен Заир-Эмери Усман Дембеленің пасын тиімді пайдаланып, есеп ашты. Алайда, париждіктердің қуанышы ұзаққа созылмады – төрт минуттан кейін қонақтардың қорғаушысы Науэль Молина есепті теңестірді.

Кездесу тең аяқталардай көрінгенімен, қосымша уақыттың үшінші минутында Анхель Корреа «Атлетикоға» жеңіс әкелген шешуші гол соқты.

Матчты өзінің кәсіпқойлығымен және халықаралық турнирлердегі тәжірибесімен танымал төреші Шимон Марциняк бастаған поляк төрешілер тобы басқарды.

Осы матчтан кейін «Пари Сен-Жермен» төрт ұпаймен топтық кезең турнир кестесінде 4-орында қалды. «Атлетико» алты ұпай жинап, 2-орынға көтерілді. Топтық кезеңнің көшбасшысы 12 ұпаймен «Ливерпуль» болып қала берді.