Атақты өзбек дзюдошысы Диёра Келдиёрова әлемдік рейтингтің көшін бастады

Әлемдік дзюдо федерациясы (IJF) әр салмақ бойынша үздіктер тізімін жариялады. Олардың қатарында қазақстандық балуандар болмаса да, көрші өзбек елінің өкілі бар, — деп хабарлайды Бірінші бол.

Атап айтқанда, Париж Олимпиадасында жарыстың басты фавориті саналған жапон Ута Абэні иппонмен жеңген Диёра Келдиёрова өз салмағының (-52 кг) көшін бастап тұр.

Әйелдер арасынан әлемдік рейтингтің үздіктері:

1. -48 келі Баасанхуу Баавуудорж 7 167 ұпай (Моңғолия)
2. -52 келі Диёра Келдиёрова 7 905 ұпай (Өзбекстан)
3. -57 келі Криста Дегучи 10 140 (Канада)
4. -63 келі Андрей Лески 6 366 ұпай (Словения)
5. -70 келі Барбара Матич 8 029 ұпай (Хорватия)
6. -78 Анна-Мария Вагнер 7 753 ұпай (Германия)
7. +78 келі Романе Дико 5 860 ұпай (Франция)

Ерлер арасынан әлемдік рейтингтің үздіктері:

1. -60 келі Лука Мхейдзе 6 104  ұпай (Франция)
2. -66 келі Виллиан Лима 5 165 (Бразилия)
3. -73 келі Хидаят Хейдаров 8 004 ұпай (Әзірбайжан)
4. -81 келі Тато Григалашвили 6 435 ұпай (Грузия)
5. -90 келі Лаша Бекаури 6 000 (Грузия)
6. -100 келі Зелим Коцоев 6 812 ұпай (Әзірбайжан)
7. +100 келі Тедди Ринер 6 800 (Франция)

Диёро Келдиёрова Париж Олимпиадасында 1/8 финалда төрт дүркін әлем чемпионы, Гранд Слам турнирлерінің 9 мәрте алтын жүлдегері, Токио Олимпиадасының чемпионы жапон қызы Ута Абэні жеңіп, сенсация жасаған болатын. Өзбектің балуан қызы төрт жылдықтың басты додасында қарсылас шақ келтірмей, Париж Олимпиадасының чемпиондық атағына қол жеткізді.