Асу Алмабаев титул үшін келесі қадамға дайын

UFC файтері Асу Алмабаевтің DAR Pro Team командасындағы әріптесі Фаниль Рафиков қазақстандық спортшының америкалық Алекс Переске қарсы жеңісін бағалады, деп хабарлайды Prosports.kz.

«Мен айтқандай — Асу нокаутқа ұмтылды. Солай болды. Жеңісті ол өз қолына алды. Раундтар бойынша есеп 1:1 еді, үшінші раундқа шықты да қарсыласын мерзімінен бұрын жеңді. Мен күткендей, бәрі ойдағыдай өтті. Қажеттінің бәрін жасады, енді ол титул үшін бәсекеге кірді», — деді Рафиков Legalbet.kz тілшісі Виталий Гетцке.

22 қарашада UFC Fight Night 265 турнирінде Дохада (Қатар) Алмабаев (23-3) Алекс Пересті (25-10) жеңген болатын.