Асу Алмабаев кезекті жеңісіне қол жеткізіп, рейтингте жоғарылады

Қазақстандық жекпе-жек шебері Асу Алмабаев (20-2) АҚШ-тың Невада штатындағы Лас-Вегас қаласында өткен UFC Fight Night 245 аралас жекпе-жек турнирінде өнер көрсетті, деп хабарлайды Sports.kz.

Алмабаев бразилиялық Матеус Николаумен (19-4-1) кездесіп, ол бұл жекпе-жекке дейін UFC-дің жеңіл салмақтағы рейтингінде 7-орында тұрған болатын (Алмабаевтың өзі 14-орында еді). Жекпе-жек үш раундқа созылып, Асу төрешілердің бірауыздан қабылдаған шешімімен жеңіске жетті.

Осылайша, Асу Алмабаев кәсіби мансабындағы 21-ші жеңісіне қол жеткізсе, Матеус Николау бесінші рет жеңіліс тапты. Айта кету керек, бұл Алмабаевтың UFC-дегі төртінші жекпе-жегі болды және оның рекорды қазір 4-0. Ал қарсыласы Николау үшін бұл оныншы жекпе-жек болды, қазіргі рекорды — 6-4.