«Astralis» Staehr-мен келісімшартты 2027 жылға дейін ұзартты

Даниялық киберспорт ұйымы «Astralis» CS2 ойыншысы Виктор «Staehr» Штермен келісімшартты 2027 жылға дейін ұзартқанын хабарлады.

Staehr командаға бір жарым жыл бұрын қосылып, осы уақыт ішінде «Astralis» PGL Cluj-Napoca 2025 және BLAST Premier: World Final 2024 турнирлерінде жүлделі орындарға ие болды.

Ертең команда BLAST Open Lisbon 2025 турниріне қатысады. Жүлде қоры – 400 мың доллар. Турнир екі кезеңнен тұрады: топтық кезең Копенгагенде, ал финалдық ойындар Лиссабондағы MEO аренасында өтеді.