Astralis CS2 құрамына Magisk-ті қайтаруды жоспарлап отыр

HLTV.org мәліметі бойынша, Эмиль «Magisk» Рейф CS2 бойынша Astralis құрамына оралуы мүмкін — ұйым оның Team Falcons-пен келісімшартының аяқталуын күтуде.

Team Falcons құрамында дат киберспортшысы елеулі жетістіктерге қол жеткізді — команда IEM Katowice 2024 турнирінде төртінші орын алып, PGL Bucharest 2025 жеңімпазы атанды және бірнеше турнирдің жүлдегері болды. Биылғы жылдың маусым айында Рейф қосалқы құрамға ауыстырылды.

Эмиль «Magisk» Рейф үшін Astralis-ке оралу екінші рет болмақ — бұған дейін ол 2018 жылдан 2021 жылға дейін дат ұйымының намысын қорғап, кейін Team Vitality-ге ауысқан. Алдын ала мәлімет бойынша, ол құрамда Мартин «stavn» Лундты алмастыруы мүмкін.