Астон Вилла қақпашысы Мартинес МЮ-мен матчта қызыл қағаз алды

Ағылшын Премьер-лигасының 38-ші тур аясындағы Манчестер Юнайтед пен Астон Вилла арасындағы матчта — қонақтар командасының қақпашысы Эмилиано Мартинес тікелей қызыл қағаз алды.

Оқиға бірінші таймның қосымша уақытында орын алды — аргентиналық қақпашы айып алаңынан шығып, үй иелерінің шабуылшысы Расмус Хейлундпен қатал қақтығысқа барды. Матчтың бас төрешісі Том Бремелл, эпизодты бағалай келе, Мартинесті алаңнан шығару туралы шешім қабылдады.

Қақпашы алаңнан қуылған сәтте матчтағы есеп тең болатын — 0:0.