Астанадағы Әлем кубогында қазақстандық боксшылар 16 медаль жеңіп алды

Астанада World Boxing ұйымының қолдауымен өткен бокстан Әлем кубогында Қазақстан ұлттық құрамасы керемет нәтиже көрсетті — спортшылар 16 медаль жеңіп алды.

Құрама қоржынына алтын медальдарды: Санжар Ташкенбай (50 кг), Махмұд Сабырхан (55 кг), Сабыржан Аққалықов (75 кг), Бекзат Нұрдәулетов (85 кг), Айбек Оралбай (90+ кг), Назым Қызайбай (48 кг), Виктория Графеева (60 кг) және Наталья Богданова (70 кг) салды.

Күміс жүлдегерлер қатарында: Нұрбек Оралбай (80 кг), Алуа Балкибекова (51 кг), Надежда Рябец (75 кг) және Елдана Талипова (80+ кг) бар.

Өз жерімізде өткен турнирде қола жүлдегерлер атанғандар: Ертуған Зейнуллинов (65 кг), Сағындық Тоғамбай (90 кг), Айдана Забынбекова (57 кг) және Аида Әбікеева (65 кг).