«Ару-Астана» Ұлттық лиганың тартысты ойынында «Грация KZ» командасын жеңді

Бүгін Петропавлда әйелдер арасындағы волейболдан Ұлттық лиганың үшінші турында «Ару-Астана» клубы Оралдың «Грация KZ» командасынан басым түсті. Тартысқа толы матч 3:2 (25:23, 25:23, 20:25, 23:25, 15:10) есебімен елордалық спортшылардың жеңісімен аяқталды, деп хабарлайды Sport Pulse.kz.

«Бұл біз үшін маңызды ойын болды. Қиын, толқулы, кейде тіпті қорқынышты еді, бірақ нәтиже бәрін көрсетіп тұр. Әрине, қателіктер де жіберілді – бізде шабуылдарды жүзеге асыруда және допты қабылдауда қиындықтар болды. Алайда, командалық рухтың арқасында дер кезінде өзімізді қолға алып, қарсыластан ойын тізгінін тартып алдық. Ашық айтар болсам, матчтың соңында стандартты үлгіде ойнадық. Әркім өз жұмысын мінсіз орындай білді. Бұл жеңіс бізге сенімділік берді, өйткені біз Жоғары лиганың ақтық сынында Оралдан келген командаға чемпиондықты беріп қойған едік», – деп бөлісті «Ару-Астана» командасының көшбасшысы Динара Разакберлина.

Екі команда да тұрақты маусымның турнирлік кестесінде қатар орналасқан. «Ару-Астана» сегізінші орында болса, «Грация KZ» тоғызыншы сатыда тұр.

Келесі матчты елордалық клуб 14-ші қаңтарда Талдықорғанның «Жетісу» командасына қарсы өткізеді. Сол күні «Грация KZ» павлодарлық «Ертіс» волейболшыларына қарсы ойнайды.