Артета: «Біз керемет атмосфера мен таңғажайып сәттердің арқасында жеңдік»

Sky Sports хабарлағандай, Чемпиондар лигасының ширек финалындағы алғашқы матчта «Арсенал» өз алаңында «Реал Мадридті» 3:0 есебімен ірі жеңіске ұшыратты. Ойыннан кейін лондондық клубтың бас бапкері Микель Артета өз әсерімен бөлісті.

«Мен өте мақтан тұтамын. Біз толыққанды ойын көрсеттік — жеңіске жету үшін қажеттінің бәрін жасадық. Мәселе екі нәрседе: керемет атмосфера мен сиқырлы сәттерде. Райстың айып добынан соққан голы — соның айқын дәлелі», — деді Артета.

Бапкер ойын алдындағы сенімділігін де жасырмады:

«Мен осындай нәтижеге қол жеткізе алатынымызға сенімді болдым. Ойын алдында-ақ сезіндім — біз «Реалға» қиындық туғыза аламыз. Бірақ мұның бәрін жүзеге асыру керек болды. Дұрыс көңіл-күй мен сенім болса, бәрі мүмкін. Біз бүгін соған қол жеткіздік. Бірақ бұл — тек жолдың жартысы ғана», — деді ол.

Артета сондай-ақ алдағы қарымта матчқа тоқталып, Мадридтегі ойын әлдеқайда қиын болатынын, әрі келесі кезеңге өту үшін «Арсенал» одан да сапалы футбол көрсетуі тиіс екенін атап өтті.

Біздің парақшамыздан футбол матчтарының барлық нәтижелерін Live форматта бірінші болып біліңіз!