Артем Дзюбаның әкесі ұлының алматылық клубқа ауысу туралы қауесетке жауап берді

Meta-ratings.kz ақпараты бойынша, ресейлік шабуылшының әкесі Сергей Дзюба ұлының алматылық клубқа ауысуы туралы ақпаратқа жауап берді.

Артемнің ауысуы ма? Ешқандай пікір білдірмеймін және мұндай сұрақтармен қоңырау шалмаңыздар — деп қысқаша жауап берді Дзюба-үлкен.

Бұған дейін «Қайрат» басшысы Қайрат Боранбаев клуб қазір Тольяттидің «Акрон» командасында ойнап жүрген 36 жастағы шабуылшыны шақыру нұсқасын қарастырып жатқанын хабарлаған.

Биылғы РПЛ маусымында Артем Дзюба өз клубы үшін 10 ойын өткізді. Үш гол соғып үш голдық пас берді. Мансабы барысында шабуылшы келесі командаларда ойнап үлгерді:

• «Спартак» және «Локомотив» (Мәскеу)
• «Томь»
• «Ростов»
• «Зенит»
• «Арсенал» (Тула)
• «Адана Демирспор» (Түркия)

Ресей құрама командасының сапында шабуылшы 10 жыл бойы өнер көрсетті — 55 кездесуде 30 доп соқты.