Аршавин Қазақстанның үздік футболшысын атады

QSport мәліметі бойынша, «Қайраттың» және Ресей құрамасының бұрынғы шабуылшысы Андрей Аршавин қазақ футболының тарихындағы үздік ойыншыны атады.

«Смаков шығар», — деп қысқаша жауап берді Аршавин қазақстандық үздік футболшы туралы сұраққа.

Самат Смаков — ұлттық құрама сапында өткізген ойындар саны бойынша рекордшы — қорғаушы ел құрамасы үшін 77 матч өткізіп, екі гол соғып, екі нәтижелі пас берген.

Смаков сонымен қатар қазақстандық футболдың ең титулды ойыншысы — ол алты рет ел чемпионы атанған, бес рет жүлдегер болған және төрт мәрте Қазақстанның үздік футболшысы атанған.