«Арсеналдың» 15 жастағы таланты Чемпиондар лигасының рекордын жаңартуы мүмкін

Лондондық «Арсеналдың» жас таланты Макс Доуман Чемпиондар лигасында тарихи жетістікке жақын тұр.

15 жастағы футболшы «зеңбірекшілердің» топтық кезеңге арналған тізіміне енгізіліп, Бильбаоның «Атлетигіне» қарсы алғашқы матчқа команда құрамында. 31 желтоқсанда ғана 16-ға толатын Доуман — беделді турнир тарихындағы ең жас ойыншы атануы мүмкін.

Қазіргі рекорд Юссуфа Мукокоға тиесілі, ол 2020 жылы «Зенитке» қарсы матчта дортмундтік «Боруссия» сапында 16 жас 18 күнінде дебют жасаған. Екінші орында «Барселона» қанатшабуылшысы Ламин Ямаль — 16 жас 68 күн.

• Селестин Бабаяро (16 жас 86 күн)
• Райан Черки (16 жас 102 күн)
• Ален Халилович (16 жас 128 күн)
• Юри Тилеманс (16 жас 148 күн)

Жаңа рекорд орнату үшін Доуман «Интерге» қарсы топтық кезеңнің жетінші матчына дейін дебют жасауы керек.