«Арсенал» «Спортинг» шабуылшысы Дьокерешпен келіссөз жүргізуде

L’Équipe мәліметі бойынша, лондондық «Арсенал» «Спортинг» шабуылшысы Виктор Дьокерешті трансферлеу бойынша келіссөздердің соңғы кезеңінде тұр.

Швед шабуылшысы — «Спортинг» президенті Фредерику Варандашпен жақында болған қақтығыстан кейін португал клубында өнер көрсетуді жалғастырғысы келмейді.

Дьокереш клуб басшылығына команданы тастап кету туралы шешімін хабарлады — «Арсенал» өкілдері футболшының агентімен белсенді келіссөздер жүргізуде. 27 жастағы шабуылшының өзі «Эмирейтске» ауысуға қызығушылық танытуда.