«Арсенал» «Реал Сосьедадтың» жартылай қорғаушысын 60 миллион фунтқа сатып алды

Лондондық «Арсенал» орта жолын күшейтті — клуб «Реал Сосьедадтың» ойыншысы Мартин Субимендимен 60 миллион фунт стерлингке келісімшартқа отырды.

26 жастағы испандық жартылай қорғаушы Микель Артетаның командасының «Челсиден» келген қақпашы Кепа Аррисабалагадан кейінгі екінші жазғы трансфері болды.

«Реал Сосьедад» тәрбиеленушісі соңғы бір жылда Испания құрамасының негізгі құрамында орнығып үлгерді — оның алаң ортасындағы ойыны көптеген еуропалық алпауыттардың назарын аударды.