Арсенал Интердің жұлдызын рекордтық бағаға сатып алуға дайын

Fichajes мәліметінше, Лондонның Арсенал клубы Милан Интерінің 27 жастағы аргентиналық шабуылшысы Лаутаро Мартинеске рекордтық 120 миллион еуро төлеуге дайын. Бұл сома клуб тарихындағы ең қымбат трансфер болмақ.

Independent басылымының ақпаратынша, «Зеңбірекшілердің» негізгі мақсаты 21 жастағы словениялық шабуылшы Беньямин Шешко екен. Бірақ РБ Лейпциг өз ойыншысына бағаны көтермей отыр, сондықтан трансферге қатысты сұрақтар шешілмеген.

Арсенал клубының өткен аптада Альваро Моратаның агенттерімен келіссөздер жүргізгені де белгілі болды. Алайда, испандық шабуылшы соңында Галатасарайға ауысты. Сонымен қатар, Лондон клубының жоспарына Эспаньолдан 23 жастағы испан қақпашысы Жоан Гарсияны сатып алу да кірген.