«Арсенал» «Бернабеуде» тарихи жеңіске жетіп, 16 жылдан кейін жартылай финалға шықты

BBC Sport хабарлауынша, «Арсенал» Мадридте сенсациялық жеңіске қол жеткізді. Лондондық клуб Чемпиондар лигасының ширек финалының жауап матчында «Реал Мадридті» 2:1 есебімен жеңіп, 2009 жылдан бері алғаш рет турнирдің жартылай финалына жолдама алды.

Кездесу драмалық сәттерге толы болды. Ойын басында Букайо Сака «паненка» стилінде пенальти орындауға тырысты, бірақ сәтсіз шықты. Бірінші таймда VAR Мбаппенің құлауынан кейін берілген пенальтиді жойды — бұл эпизод шешуші сәттердің бірі болды.

«Бұл менің жаттықтырушылық мансабымдағы ең әсерлі кештердің бірі. Біз бай тарихы бар клубқа қарсы ойнадық», — деді матчтан кейін «Арсеналдың» бас бапкері Микель Артета.

Екінші таймда Сака есеп ашып, алғашқы мүмкіндігін ақтады. Кейін Винисиус Жуниор таразы басын теңестірсе де, көп ұзамай Габриэль Мартинелли жеңіс голын соғып, «Арсеналдың» триумфын бекітті. Алаң ортасында Деклан Райс үлкен көлемде жұмыс атқарып, ойынның басты тұлғаларының біріне айналды.

Кай Хаверц, Габриэль және Габриэль Жезус сияқты негізгі ойыншылардың болмауына қарамастан, лондондықтар жетілген әрі сенімді ойын көрсетті.

Енді жартылай финалда «Арсеналды» ПСЖ-мен тағдырлы текетірес күтіп тұр.

Біздің парақшамыздан футбол матчтарының барлық нәтижелерін Live форматта бірінші болып біліңіз!