Арне Слот: «Салахпен келісімшарт ұзарту – Ливерпуль үшін маңызды жетістік»

«Ливерпуль» клубының бас бапкері Арне Слот Мохамед Салахпен келісімшартты екі жылға ұзартуға қатысты пікір білдірді, деп хабарлайды BBC.

«Ең алдымен, мен оны ойыншы ретінде әрқашан жоғары бағаладым. Бірақ сонымен қатар ол өте қарапайым, еңбекқор адам. Қазіргі деңгейіне жету үшін көп жұмыс істеді», — деді Слот.

Маман мысырлық шабуылшының ерекше қасиетін — қиын матчтарда да гол соға білу қабілетін ерекше атап өтті. Оның айтуынша, Салахтың бірнеше маусым қатарынан жоғары нәтиже көрсетуі – мықты психологиялық тұрақтылықтың көрінісі.

«Егер біз қол қойғымыз келетін ойыншының орнына өзімізді қойсақ — Мо келісімшартты ұзартты деп айту әрқашан жақсы жаңалық. Бұл команданы жігерлендіреді. Бірақ ең маңыздысы — жеті-сегіз маусым қатарынан тұрақты гол соғып келе жатқан сапалы ойыншыны сақтап қалуымыз», — деп түйіндеді бапкер.

Салах 2017 жылдан бері «Ливерпуль» жейдесінде ойнап келеді және клуб тарихындағы ең нәтижелі ойыншылардың біріне айналды.

Біздің парақшамыздан футбол матчтарының барлық нәтижелерін Live форматта бірінші болып біліңіз!