Арне Слот «Ливерпульдің» чемпиондығы мен болашақ трансферлер туралы айтты

BBC Sport мәліметінше, «Ливерпульдің» бас бапкері Арне Слот ағылшын Премьер-лигасындағы жеңісі туралы пікір білдірді — команда маусым аяқталуына бір ай қалғанда чемпиондық атағын жеңіп алды.

«Трансферлерге жеткіліксіз қаражат жұмсау немесе алдыңғы бапкердің кетуінен кейінгі қиындықтар туралы сылтаулар — бұл титулды жеңе алмағандарға тән. Бізге оларды қолдануға тура келмегені қуантады», — деді нидерландтық маман.

Слот құрамды күшейтпей-ақ жеңіске жеткен ерекшелікті атап өтіп, екі жыл бұрынғы «Фейеноордтың» чемпиондығымен салыстырды. Бапкер трансферлік терезе жоспарлары туралы да айтты:

«Егер қауесеттер рас болса, «Манчестер Сити» мен «Арсенал» құрамдарын күшейтеді. Біздің де жаңа ойыншыларды іздемеуіміз ақымақтық болар еді. Чемпиондық құрамды күшейтетін футболшыларды табу оңай емес, бірақ біз қажетті ойыншыларды әкелуге тырысамыз»

Бапкер Мохамед Салах пен Вирджил ван Дейктің келісімшарттарының ұзартылуына қанағаттанғанын білдіріп, олардың чемпиондыққа қосқан үлесін атап өтті. Сонымен қатар, Слот осы жазда клубтан кететін Трент Александер-Арнольдты жақсы көңіл-күймен шығарып салуға үміттенеді.