«Ақтөбе» футбол клубының жаңа бас бапкері белгілі болды

62 жастағы болгар маманы Николай Костов ресми түрде «Ақтөбе» футбол клубының бас бапкері болып тағайындалды. Бұл туралы клубтың баспасөз қызметі хабарлады.

Костов – тәжірибелі жаттықтырушы. 2002 жылы Кипрдің «Анортосис» командасымен ел кубогын жеңіп алған. Қазақстанда ол бұған дейін Қарағандының «Шахтерін» және «Каспий» клубын басқарған. Сондай-ақ, ол Украина, Кипр және Болгария клубтарында жұмыс істеген.

Болгариядағы соңғы жұмыс орны – «Левски» клубы. 2023–2024 жылдардағы маусымда Костов команда тізгінін ұстап, 35 матчта 19 жеңіске жетіп, 7 рет тең ойнап, 9 рет жеңілген.

Бұл тағайындау «Ақтөбе» Вячеслав Левчук пен оның көмекшісі Борис Горовпен қош айтысқаннан кейін жүзеге асты.