Анна Данилина Ролан Гаррос жұптық финалында жеңілді

Анна Данилина сербиялық теннисші Александра Круничпен бірге Ролан Гарростың әйелдер жұптық сайысында жеңімпаз атана алмады.

Шешуші кездесуде қазақстан-серб жұбы италиялық Сара Эррани мен Жасмин Паолинимен кездесті — қарсыластар 6:4, 2:6, 6:1 есебімен басым түсті.

29 жастағы қазақстандық спортшы үшін бұл әйелдер жұптық сайысында Үлкен дулыға турнирінің екінші финалы — шамамен үш жыл бұрын ол Australian Open шешуші матчына дейін жеткен болатын. Айта кетейік, Анна Данилина — жұптық разрядта елдің бірінші ракеткасы және шамамен екі жыл бұрын ол аралас жұптық сайыста US Open жеңімпазы атанған.