Аңызға айналған қақпашының ұлы Куртуаны тарихтағы ең үздік қақпашы деп атады

Marca мәліметі бойынша, аңызға айналған Сантьяго Канисарестің ұлы — қақпашы Лукас Канисарес Тибо Куртуаның шеберлігі туралы пікір білдірді.

Ол қақпашылар арасындағы Месси. Оның жасағаны — қалыптан тыс, бұл ақылға сыймайды

Қазір Фаренсе сапында өнер көрсетіп жүрген Лукас Канисарес мадридтік Реал жүйесінде Андрей Лунин және Кепа Аррисабалагамен бірге жаттыққан тәжірибесі туралы әңгімеледі.

Жас қақпашыға Бетис стадионындағы оқиға ерекше әсер еткен — Куртуа жай поло жейдесімен және арнайы жабдықсыз жаттығуға шығып, алғашқы минуттарда-ақ үш күрделі сейв жасап, керемет шеберлік көрсеткен.

Біз футбол тарихындағы ең үздік қақпашыны көріп отырмыз