Аңызға айналған Буффонның ұлы Чехия құрамасын таңдауы мүмкін

iSport.cz ақпараты бойынша, аңызға айналған итальяндық қақпашының ұлы Луи Буффон Чехияның жасөспірімдер құрамасына (18 жасқа дейін) шақырту алды.

«Пиза» жастар командасында ойнайтын 17 жастағы шабуылшының қос азаматтығы бар. Оның анасы танымал чех фото-моделі Алена Шередова (Джанлуиджи Буффонның бұрынғы жұбайы).

Чехия футбол федерациясы арнайы бағдарлама аясында шетелде тұратын ойыншыларды белсенді түрде тартуда. Луиді шақыру туралы шешім оның анасымен кеңескеннен кейін қабылданды.

Айта кетерлігі жас футболшы жақында ғана бірнеше күн бұрын алғаш рет «Пиза» негізгі командасының Б Сериясындағы ойын тізіміне енгізілді онда оның клубы «Чезенамен» тең түсті (1:1).