Англия Ұлттар лигасында Грекияны жеңіп топта бірінші орынға шықты

Sports.kz хабарлауынша, Англия ұлттық құрамасы УЕФА Ұлттар лигасы аясында Грецияны жеңді. Афинада өткен матч қонақтардың пайдасына 3:0 есебімен аяқталды.

Британдықтар бастаманы тез қабылдады — Олли Уоткинс кездесудің 7-минутында есеп ашты. Қонақтардың артықшылығы екінші таймға дейін сақталып, 78-минутта грек қақпашысы Одиссеас Влаходимос өз қақпасына гол соғып алды. Соңғы есепті Кертис Джонс белгіледі, ол 83-минутта ағылшындардың үшінші голын соқты.

Бұл жеңіс Англия құрамасына 12 ұпай жинап, Ұлттар лигасының 2-дивизионындағы тобында көш бастауға мүмкіндік берді. Греция да 12 ұпайға ие болғанымен, Англиямен бетпе-бет кездесуде жеңілгендіктен, екінші орынға түсіп қалды.

Топтық кезеңнің соңғы турында Англия құрамасы Ирландиямен, ал Греция Финляндиямен ойнайды. Бұл матчтар топтағы орындардың түпкілікті бөлінуін және Ұлттар лигасының жоғарғы дивизионына жолдама тағдырын шешетін болады.