Англия футболының ардагері Чик Бейтс 75 жасында өмірден өтті

«Шрусбери Таун» және «Сток Сити» клубтары өздерінің бұрынғы бапкері Чик Бейтстің қайтыс болғанын ресми түрде хабарлады. Ағылшын футболының аңызы 75 жасында дүниеден өтті.

Бейтстің «Шрусбери» клубымен байланысы 1974 жылы басталды. Ол «Стоурбриджден» келген белгісіз ойыншыдан команда көшбасшысына айналды. Кейін бапкер ретінде 1984/85 маусымында екінші дивизионда сегізінші орынға қол жеткізіп, клуб тарихындағы үздік нәтижені тіркеді.

— Футбол клубының нағыз аңызы. Шынайы джентльмен және керемет адам. Онымен таныс болғаныма мақтанамын, — деді «Шрусбридің» бұрынғы қорғаушысы Даррен Мосс.

«Сток Ситиде» Бейтс 1990-жылдары Лу Макаридің көмекшісі болды. 1997 жылы команда «Британия Стэдиумға» көшкен кезде бас бапкер қызметін уақытша атқарды.

2013 жылы оған деменция және Альцгеймер диагнозы қойылған. Марқұмның есімі ағылшын футболының тарихында ерекше құрметпен сақталады.