Андрей Шаянов «Барыстың» жастар командасының бас бапкері болды

«Головой об лёд» телеграм-арнасының хабарлауынша, «Барыс» жастар командаларының бапкерлер құрамында өзгерістер болды — Андрей Шаянов МХК «Барыстың» бас бапкері қызметіне тағайындалды.

Шаяновтың бұрынғы жұмыс орны «Снежные Барста» оның орнын «Жастар» лигасының жеңімпазы, бұрын МХК «Астананы» басқарған Антон Васин басты. Шаяновқа жаңа қызметінде Ильдус Габдрахманов көмектесетін болады.

МХК «Барыс» ағымдағы маусымда сенімді нәтижелер көрсетуде — команда 48 ойыннан кейін 78 ұпаймен «Жастар» лигасының турнирлік кестесінде екінші орынды иеленіп отыр.