Анчелотти «Сосьедадты» жеңгеннен кейін «Реалдың» қақпашы позициясы туралы айтты

Marca мәлімдеуінше мадридтік «Реалдың» бас бапкері Карло Анчелотти «Сосьедадпен» болған матчтағы (1:0) өз шәкірттерінің әрекеттеріне қанағаттанды.

Команданың барлығы өте жақсы. Біз ротация жасадық бірақ команда сенімділігін жоғалтқан жоқ, ықшам және тұтас ойын көрсетті. Құрамдағы өзгерістерге қарамастан біз жақсы ойнадық.

Италиялық маман жас футболшылардың ойынын ерекше атап өтті. Гол соққан Эндрик пен шабуылда да қорғаныста да өзін көрсеткен Арда Гюлер.

Шешуші матчтарға қақпашыны таңдау туралы сұраққа «ақ түстілердің» бапкері былай жауап берді:

Жартылай финалда Андрей Лунин ойнауы керек, ол өте сенімді қақпашы. Ол жақсы өнер көрсетуде және финалдағы құрамға үміткер ретінде қарастырылуы керек. Бірақ әзірге бұл туралы айту ерте.