Анчелотти «Реалдан» кетеді: клуб ресми хабарлама дайындап жатыр

«СЭ» басылымының хабарлауынша, мадридтік «Реал» алдағы күндері өтетін «Барселонамен» матчтан кейін Карло Анчелоттидің қызметінен кететіні туралы ресми мәлімдеме жасамақ. Marca мәліметінше, бұл шешімнің басты себебі — италиялық маманның Бразилия құрамасына бас бапкер болып ауысуы.

Бразилия футбол конфедерациясы Анчелоттимен келісімшартты 18 мамырға дейін — 2026 жылғы әлем чемпионатының іріктеу кезеңіне қатысатын құрама тізімі жарияланар алдында ресімдеуді жоспарлап отыр.

Анчелоттидің басшылығындағы «Реал» биыл бірқатар маңызды матчтарда сәтсіздікке ұшырады:

• Чемпиондар лигасының ширек финалында «Арсеналдан» ұтылды;
• Испания Кубогының финалында «Барселонаға» есе жіберді;
• Ла Лигада «Барселонадан» 4 ұпай артта келе жатыр (чемпионаттың аяқталуына 4 тур қалды).

Анчелоттидің орнына негізгі үміткер ретінде клуб ішінен немесе Еуропаның өзге топ бапкерлері қарастырылуда.