Анчелотти: «Мүмкіндік аз, бірақ футболда бәрі болуы мүмкін»

BBC Sport мәліметінше, «Реал Мадрид» бас бапкері Карло Анчелотти мен оның командасы Чемпиондар лигасының ширек финалындағы қиын жағдайдан шығуға талпынып жатыр. Сырт алаңда «Арсеналдан» 0:3 есебімен жеңілгеннен кейін мадридтіктер сенсациялық камбэк жасауға үміттенеді.

«Өткен ойынға қарасақ, мүмкіндігіміз мүлде жоқтай көрінеді. Бірақ футболда бәрі болуы мүмкін. Біз 100 пайыз күш жұмсауымыз керек», — деді Анчелотти матч алдындағы баспасөз мәслихатында.

Команда жартылай қорғаушысы Джуд Беллингхэм «Реал» киім ауыстыратын бөлмесінде ерекше рух сезіліп тұрғанын жеткізді:

«Соңғы күндері ең жиі айтылатын сөз — Ремонтада. Ертең бізде ешкім істей алмағанды істеуге мүмкіндік бар», — деді ол.

Чемпиондар лигасы тарихында үш гол айырмасынан кейін тек үш команда кері орала алған:

• «Ливерпуль» — 2019 жылы «Барселонаға» қарсы
• «Депортиво» — 2004 жылы «Миланға» қарсы
• «Рома» — 2018 жылы «Барселонаға» қарсы

«Реал Мадрид» мұндай кері қайтуды тек бір рет — 1975 жылы Еуропа чемпиондары кубогында «Дерби Каунтиге» қарсы жасаған.

Opta компаниясының мәліметінше, «Арсеналдың» жартылай финалға шығу ықтималдығы — 89,7%. Бірақ Анчелотти шәкірттері футболдағы ең сенімді статистиканың өзін жоққа шығара алатын командалардың бірі екенін талай мәрте дәлелдеген.

Біздің парақшамыздан футбол матчтарының барлық нәтижелерін Live форматта бірінші болып біліңіз!