Анчелотти Бразилия құрамасына бармайды — келісім бұзылды

Relevo мәліметінше, Карло Анчелотти Бразилия футбол конфедерациясына ұлттық құраманың бас бапкері болу туралы келісімнің бұзылғанын хабарлады. Себеп — «Реал Мадридтің» маманды өтемақысыз жіберуден бас тартуы.

Испаниялық клуб Анчелоттидің келісімшартын мерзімінен бұрын бұзуға дайын, бірақ 11 миллион еуро көлеміндегі өтемақыны төлеуге келіспейді. Бұл сома — италиялық бапкердің «Реалмен» соңғы жылдық келісімінің құны.

Бразилия тарапы маманды мамыр айының соңында таныстырып, алдағы Эквадор және Парагвайға қарсы ойындарға дайындықты сеніп тапсыруды жоспарлаған. Алайда келіссөздер сәтсіз аяқталып, конфедерация енді Жорже Жезушті негізгі үміткер ретінде қарастырып жатыр.

Оқиға екі тараптың да наразылығын тудырды. «Реал» басшылығы келіссөздерге және Анчелоттидің клуб жиналысына кешігуіне ашуланса, Бразилия жағы келісілген мәміленің орындалмауына көңілі қалған. Қазір Анчелотти Сауд Арабиясынан түскен ұсынысты қарастыруда.