01.04.2025
Оқу уақыты: 1 мин
5.0 Рейтинг
21 Комментарии

Амурим: «Бруну Фернандеш «Реалға» кетпейді»

«Манчестер Юнайтедтің» бас бапкері Рубен Амурим команда капитаны Бруну Фернандештің «Реал Мадридке» ауысуы туралы қауесетті жоққа шығарды.

«Бұл болмайды — мен оған осыны айттым», — деді Амурим «Ноттингем Форестпен» матч алдындағы баспасөз мәслихатында.

🇵🇹 Португалдық жартылай қорғаушы 2027 жылға дейін «Юнайтедпен» келісімшарт жасасқан. Биылғы маусымда ол барлық турнирлерде 16 гол соғып, Премьер-лигада командасының 31 голына қатысып отыр. Бұл көрсеткіш бойынша лигада тек Мохаммед Салах (54) пен Эрлинг Холанд (33) ғана одан озық.

«Біз Премьер-лигада қайтадан жеңіске жеткіміз келеді. Ол 30 жаста, бірақ әлі де жас. Маусымына 55 матч ойнап, тұрақты түрде 30-дан астам гол+пас көрсеткішін береді», — деді Амурим.

«Манчестер Юнайтед» 13-орында тұр. Келесі матчта команда сырт алаңда үшінші орындағы «Ноттингем Форестпен» кездеседі.