Аморим соңғы 80 жылдағы «МЮ» жеңістерінің ең төменгі пайызын көрсетті

Sky Sports мәліметінше, бас бапкер Рубен Аморим соғыстан кейінгі кезеңде «Манчестер Юнайтед» жаттықтырушылары арасында ең нашар көрсеткішке ие — оның командасы матчтардың тек 36,17% ғана жеңіске жетуде.

Кеше «Манчестер Ситиден» 0:3 есебімен ойсырай жеңілуі — португалдық маманның жетекшілігіндегі команда дағдарысының тағы бір дәлелі.

Салыстырмалы түрде: бұған дейінгі антирекорд 36,78% көрсеткішпен Уилф Макгиннеске тиесілі болса, аңызға айналған Алекс Фергюсон кездесулердің 59,67% жеңіске жеткен.

АПЛ-дің төрт турынан кейін «Манчестер Юнайтед» төрт ұпаймен турнир кестесінде 14-орында тұр — бұл клубтың соңғы онжылдықтардағы ең нашар бастамасы.