Амир Омарханов ITF турнирінің ширек финалына шықты

Қазақстан теннис федерациясының ресми сайты хабарлағандай, Қазақстандық теннисші Амир Омарханов (ATP рейтингінде 1036-орында) Тунисте өтіп жатқан ITF M15 Monastir турнирінің ширек финалына жолдама алды.

Омарханов екінші айналымда италиялық Лука Констаньоланы (738-орын) 7:5, 6:2 есебімен сенімді жеңді.

Келесі айналымда ол француз Шарль Бертимонмен (1343-орын) немесе турнирдің бірінші ракеткасы, неміс Том Гентцпен (472-орын) кездеседі. Матч 28 ақпан күні түстен кейін өтеді.