Америкалық футболшы Миа Фишел «Челсиден» «Сиэтл Рейнге» ауысты

«Сиэтл Рейн» америкалық клубы шабуылшы Миа Фишелмен 2029 жылға дейін келісімшартқа қол қойғанын жариялады.

24 жастағы футболшы ағылшын Суперлигасының қазіргі чемпионы «Челсиде» 21 матч өткізді. Фишел 2023/24 маусымының алдында мексикалық «Тигрестен» Лондон клубына ауысқан, бірақ «Тоттенхэммен» матчта алғашқы голын соққаннан кейін крест тәрізді байламының жарақатын алды.

«Мен NWSL-де ұзақ мерзімді келісімшартқа қол қойып, «Сиэтл Рейнмен» мансабымда келесі қадам жасағаныма өте қуаныштымын. Бұл лига әлемдегі ең үздіктердің бірі және мен жаңа мүмкіндіктерді асыға күтемін», — деді Фишел.

«Сиэтл Рейн» чемпионаттағы үзілістен кейін 1 тамызда «Энджел Ситиге» қарсы ойынмен өнер көрсетуді жалғастырады.