Америкалық боксшы Головкин мен Бетербиевтің соққы күшін жоғары бағалады

Америкалық жартылай ауыр салмақтағы бұрынғы IBF титулына үміткер Радивое Калайджич (29-3-0, 21 КО) шетелдік БАҚ-қа берген сұхбатында рингте кездескен ең ауыр соққылы боксшыларды атады, деп хабарлайды BasSport.kz.

“Сіз Бетербиев, Моррель, карьерасының шыңында болған Ковалев және Головкинмен спарринг өткіздіңіз. Егер есіңізде болса, олардың соққы күшін қалай бағалар едіңіз?” – деген сұраққа Калайджич:

“Ең ауыр соққылы жігіттер – Бетербиев пен Головкин. Головкин кішірек болғанына қарамастан, өте қатты ұратын. Оның үстіне, джебі өте қауіпті еді”, – деп жауап берді.

Айта кетейік, қазақстандық Геннадий Головкин кәсіби мансабында 42 жеңіске жетіп (37 нокаут), 2 рет жеңіліп, 1 жекпе-жекте тең түскен. Ол орта салмақтағы IBF, IBO, WBA және WBC титулдарының иегері болды.

Біздің парақшамыздан футбол матчтарының барлық нәтижелерін Live форматта бірінші болып біліңіз!