Алькарас Ролан Гарроста бесінші Үлкен дулыға титулын жеңіп алды

Карлос Алькарас Франция Ашық чемпионатының финалында жеңіске жетті — испаниялық теннисші әлемдік рейтингтің көшбасшысы Янник Синнерді 4:6, 6:7(4), 6:4, 7:6(3), 7:6(10-2) есебімен жеңді.

5 сағат 29 минутқа созылған матч тарихи болды — Алькарас италиялық теннисшімен жеке кездесулер есебін 8:4-ке, ал саз кортта әлемнің бірінші ракеткаларына қарсы 3:0-ге жеткізді.

22 жастағы испаниялық Ашық дәуірдің бес Үлкен дулыға титулы бар теннисшілердің элиталық клубына кірді — ол XXI ғасырдағы Новак Джокович (24), Рафаэль Надаль (22) және Роджер Федерер (20) қатарындағы төртінші ойыншы атанды.

Ағымдағы маусымда Карлос Алькарас әсерлі нәтижелер көрсетуде — оның еншісінде Барселона турнирінің финалындағы жалғыз жеңілісімен саз кортта 22 жеңіс бар, сондай-ақ турдағы жалпы жеңістер саны (37) мен жеңіп алған титулдар (4) бойынша көш бастап келеді.