Алькарас Нардиді жеңіп, Цинциннати турнирінің ширек финалына шықты

Карлос Алькарас Цинциннатидегі «Мастерс» сериясы турнирінде сенімді өнер көрсетуін жалғастыруда — испандық теннисші италиялық Лука Нардиді 6:1, 6:4 есебімен жеңді.

Әлемнің бірінші ракеткасы екінші сетте мінезін көрсетті — 2:4 есебінде ұтылып жатқан Алькарас ойын барысын өзгертіп, матчты жеңіспен аяқтады.

Соңғы төрт айда испандық теннисші 38 матчта тек екі рет жеңілді — Барселона турнирінің финалында Хольгер Рунеден және Уимблдонның шешуші матчында Янник Синнерден.

«Мастерс» сериясы турнирлерінде қатарынан 14 жеңіске жеткен Алькарас келесі кезеңде Андрей Рублевпен кездеседі — жеке кездесулерде испандық 3:1 есебімен алда.