Әліби Ыдырыс АҚШ-қа виза алды

Жеңіл салмақта Naiza чемпионы болған Әліби Ыдырыс АҚШ-қа виза алды. Жуырда TUF турнирінің 33-маусымына аттанады, — деп жазды Спорт жайлы телеграм арнасы.

UFC шоуға қатысушылар тізімін жуық арада жариялайтын болады. Жаңа маусымда жеңілірек (57 келі) және жартылай орта салмақтағы (77 келі) спортшылар бақ сынайды.

TUF жарысының жеңімпазы UFC-мен тікелей келісімшарт жасауға мүмкіндік алады. Осы арқылы UFC-ге Майкл Биспинг, Тони Фергюсон, Нейт Диас, Рашад Эванс, Роберт Уитаккер, Келвин Гастелум сынды спортшылар шыққан. Соңғы екі маусымда спортшыларға Валентина Шевченко, Алекс Грассо, Конор Макгрегор және Майкл Чендлер жаттықтырушы болған.