Али Алиев Қазақстан құрамасының маусым айындағы ойындарға кеңейтілген тізімін жариялады

ҚФФ баспасөз қызметі Қазақстан ұлттық құрамасының бас бапкері Али Алиевтің шешімі туралы хабарлады — маусым айындағы ойындарға дайындық үшін 36 футболшыдан тұратын кеңейтілген тізімді анықтады.

Команданы екі маңызды кездесу күтіп тұр — Минскіде Беларусь құрамасымен достық кездесу және Астанадағы өз алаңында Солтүстік Македониямен 2026 жылғы әлем чемпионатының іріктеу ойыны.

Кеңейтілген құрамға енгендер:

• Қақпашылар: Мұхаммеджан Сейсен, Александр Заруцкий, Стас Покатилов, Бекхан Шайзада
• Қорғаушылар: Әлібек Қасым, Ян Вороговский, Марат Быстров, Нұралы Әліп, Роман Асранкулов, Александр Зуев, Наурызбек Жагоров, Еркін Тапалов, Сергей Малый, Ұлар Жақсыбаев, Сұлтанбек Астанов, Әділбек Жұмаханов
• Жартылай қорғаушылар: Асхат Тағыберген, Ислам Чесноков, Рамазан Оразов, Бақтиер Зайнутдинов, Айбол Әбікен, Серікжан Мұжықов, Алмас Тюлюбай, Ғалымжан Кенжебек, Дамир Марат, Дәурен Жұмат, Исламбек Қуат, Динмұхамед Караман, Георгий Жуков, Муроджон Халматов, Зикрилло Сұлтаниязов
• Шабуылшылар: Абат Аймбетов, Максим Самородов, Айбар Жақсылықов, Дастан Сатпаев, Алияр Мұхамед

Алдағы ойындарға дайындық Астанадағы оқу-жаттығу жиынында басталады — бапкерлер штабы ойыншыларды мамыр айының соңында күтеді.