Әлемнің үздік теннисшілері Алматыда бәсекеге түседі

Алматы қаласында тұңғыш рет 2024 жылы 13-20 қазанда ATP 250 турниріне қатысатын әлемдік ТОП ойыншылардың тізімі белгілі болды.

Тізім басында 2023 жылғы Astana Open ATP 250 турнирінің финалисі Себастьян Корда (15 ATP), америкалық Фрэнсис Тиафо (16 ATP), Чилилік Алехандро Табило (22 АТР), ресейлік Карен Хачанов (23 ATP), франциялық Артур Фис (25 ATP) және қазақстандық әйгілі Александр Бублик те бар.

Қазақстанның оңтүстік астанасында сонымен қатар италиялық Флавио Каболли (32 ATP), чехиялық Томас Махач (35 ATP), өткен жылғы Astana Open ATP 250 турнирінің чемпионы, франциялық Адриан Маннарино (46 ATP), венгриялық Фабиан Марожан (49 ATP) және өзгеде әлемнің үздік теннисшілері ойнайды.