Әлем чемпионы Жәнібек Әлімханұлы жанкүйерлерді түсініксіз хабарламамен қызықтырды

Орта салмақтағы бокстан қазақстандық әлем чемпионы Жәнібек Әлімханұлы Twitter-де жаңа хабарламасымен жанкүйерлерінің қызығушылығын оятты. WBO және IBF белбеулерінің иегері бокс әлемінде үлкен назар аудартқан жазба жариялады. Ол өзінің твиттерінде:

«Жаңалықтар бар! Мен айттым, қымбатты жанкүйерлер!» – деп жазды және бұл хабарламасына үш күлетін эмодзи қосып, ықтимал жаңалыққа деген қызығушылықты одан әрі арттырды.

Айта кету керек, 31 жастағы қазақстандық чемпион мансабына назар аударту үшін әлеуметтік желілерді белсенді пайдаланады. Бұған дейін ол Twitter арқылы салмақ дәрежесіндегі басқа чемпиондарды жекпе-жекке шақырған болатын. Атап айтқанда, WBC белбеуінің иегері Карлос Адамес пен WBA Super чемпионы Эрисланди Лараны чемпиондық титулдарын қорғауға шақырған.

Әлімханұлының бұл жұмбақ посты алдағы уақытта жекпе-жек немесе мансабына қатысты маңызды хабарландырудың белгісі болуы мүмкін. Жанкүйерлер әлем чемпионынан қосымша мәлімдеме күтуде.