Әлем чемпиондары мен Чемпиондар лигасының жұлдыздары Астанаға келеді

25 сәуірде Астанада Қазақстан футболының күніне орай ерекше оқиға өтеді — УЕФА жұлдыздар құрамасы мен Қазақстан футболының аңыз ойыншылары арасында көрме матчы ұйымдастырылады.

«ЖаркOFF» телеграм-арнасының мәліметінше, елордаға футбол әлемінің нағыз аңыз тұлғалары жиналады. Олардың қатарында:

• Витор Байя
• Марко Матерацци
• Хавьер Дзанетти
• Кристиан Дзаккардо
• Майкон
• Августин (Джей-Джей) Окоча
• Димитар Бербатов
• Сержиньо
• Клод Макелеле
• Халилу Фадига
• Кристиан Пануччи
• Кларенс Зеедорф
• Эстебан Камбьяссо
• Гаиска Мендьета
• Маркус Бабель

Бұл көрме матч УЕФА президенті Александр Чефериннің Астанаға сапары аясында өтеді. Сапар барысында ол Қазақстан Президенті Қасым-Жомарт Тоқаевпен және ҚФФ президенті Марат Омаровпен кездеседі.

Футбол сүйер қауым үшін бұл — аңыз ойыншыларды өз көзімен көрудің сирек мүмкіндігі. 25 сәуір — футбол мерекесі болмақ.