Әлем чемпионатында Австрия құрамасы Словакияны буллиттерде жеңді

Championat.com хабарлағандай, хоккейден әлем чемпионатының топтық кезеңінде Австрия құрамасы Словакия командасын жеңді — Стокгольмдегі «Авичи-Аренада» өткен кездесу буллиттер сериясында 3:2 есебімен аяқталды.

Матч басында австриялықтар басымдылық танытты — Петер Шнайдер сегізінші минутта Бернд Вольф пен Марко Каспердің пасынан кейін есеп ашты. Төрт минуттан соң Марко Каспер Петер Шнайдер мен Клеменс Унтервегердің әзірлеген комбинациясын сәтті аяқтап, басымдылықты еселеді.

Словактар ойын барысын өзгерте алды — Самуэль Гонзек екінші кезеңнің ортасында бір шайбаны қайтарса, Матуш Сукель негізгі уақыт аяқталуына тоғыз минут қалғанда Самуэль Такач пен Максим Чайковичтің пасынан кейін есепті теңестірді.

Овертаймда жеңімпаз анықталмай, буллиттер сериясында австриялық хоккейшілер мықтырақ болды. Айта кетейік, турнирдегі екі ойында үш ұпай жинаған Қазақстан құрамасы ертең Венгрия командасымен кездеседі.