Александр Винокуров-кіші Грекиядағы жаттығу кезінде ауыр апатқа ұшырады

XDS-Astana.com хабарлауынша, Грекиядағы жаттығу жиыны кезінде «XDS Astana Development Team» командасының шабандозы Александр Винокуров-кішімен жағымсыз оқиға орын алды.

Жол бұрылысының бірінде спортшы кенеттен автокөлікпен соқтығысып, ауыр жарақат алды. Медициналық тексеру нәтижесінде велошабандозға оң жамбас мойнының сынуы диагнозы қойылды.

Жақын күндері спортшыға хирургиялық ота жасалады, содан кейін оны Францияға тасымалдайды. Сол жерде қалпына келтіру кезеңі өтеді. Қазіргі уақытта Винокуров-кішінің жағдайы тұрақты деп бағаланып, команда оған барлық қажетті қолдау көрсетуде.